நிசான் இந்தியா மைக்ரா ஃபேஷன் எடிஷன் இந்தியாவில் வெளியானது

நிசான் இந்தியா மைக்ரா ஃபேஷன் எடிஷன் இந்தியாவில் வெளியானது

நிசான் இந்தியா நிறுவனம் மற்றும் யுனைட்டெட் கலர்ஸ் ஆஃப் பெனெட்டன் இணைந்து புதிய நிசான் மைக்ரா ஃபேஷன் எடிஷன் மாடலை இந்தியாவில் வெளியிட்டுள்ளது. இந்தியாவில் புதிய மைக்ரா ஃபேஷன் எடிஷன் விலை ரூ.6.09 லட்சம் முதல் துவங்குகிறது.

புதிய மைக்ரா ஃபேஷன் எடிஷன் காஸ்மெடிக் மாற்றங்கள் மேற்கொள்ளப்பட்டுள்ள நிலையில், மெக்கானிக்கல் அம்சங்களில் எவ்வித மாற்றங்களும் மேற்கொள்ளப்படவில்லை. புதிய மைக்ரா 1.2 லிட்டர் பெட்ரோல் மற்றும் 1.5 லிட்டர் டீசல் இன்ஜின் ஆப்ஷன்களில் கிடைக்கிறது.

ஸ்பெஷல் எடிஷன் மாடல் ரன்ஸ் ஆன் ஃபேஷன் எனும் பெயரில் விளம்பரம் செய்யப்படும் நிலையில், இந்த எடிஷன் மைக்ரா விற்பனையை அதிகரிக்கும் என எதிர்பார்க்கப்படுகிறது. நிசான் இந்தியாவின் பிரபல மாடல்களில் நிசான் மைக்ரா ஒன்றாக இருக்கிறது. 2016-17 நிதியாண்டு நிலவரப்படி நிசான் இந்தியா 80,000 மைக்ரா கார்களை இந்தியாவில் விற்பனை செய்துள்ளதோடு, 70,000 கார்களை வெளிநாடுகளுக்கு ஏற்றுமதி செய்துள்ளது.

\"\"

புதிய நிசான் மைக்ரா ஃபேஷன் லிமிட்டெட் எடிஷன் மைக்ரா XL CVT மாடலை சார்ந்து, புதிய மாடலில் பக்கவாட்டு மற்றும் ரூஃப்களில் டீகல்கள், பிளாக் டோர் மிரர் மற்றும் டிசைனர் ஸ்டிரைப்ஸ், அழகிய கால்மிதி, பெனட்டன்-சிக்னேச்சர் ஹெட்ரெஸ்ட் கவர் மற்றும் ஆரஞ்சு நிற ஸ்டிட்ச் செய்யப்பட்டுள்ளது.

நிசான் மைக்ரா ஃபேஷன் எடிஷன் முன்பதிவு செய்யும் முதல் 500 வாடிக்கையாளர்களுக்கு பெனட்டன் தனிப்பட்ட பொருட்களை வாங்க பிரத்தியேக ஹேம்பர் ஒன்றை பெற முடியும். இத்துடன் நிசான் கனெக்ட் பிளாட்ஃபார்ம் மற்றும் வாடிக்கையாளர்களுக்கு மூன்று ஆண்டு இலவச சர்வீஸ் பேக்கேஜ் வழங்கப்படுகிறது. மேலும் ஐந்து ஆண்டுகளுக்கு கூடுதல் வாரண்டி பேக்கேஜ் வழங்கப்படுகிறது. 

ஜூன் 2017-இல் நிசான் இந்தியா மைக்ரா மாடலை மேம்படுத்தி சில அம்சங்களை சேர்த்தது. எனினும் சர்வதேச சந்தைகளில் விற்பனை செய்யப்படும் புத்தம் புதிய மைக்ரா விற்பனை இன்னும் துவங்கவில்லை. புதிய மைக்ரா 1.2 லிட்டர் பெட்ரோல் இன்ஜின் 73 bhp மற்றும் 104 Nm டார்கியூ கொண்டுள்ளது. டீசல் வேரியண்ட் மாடல் 1.5 லிட்டர் டீசல் இன்ஜின் 63 bhp மற்றும் 160 Nm டார்கியூ கொண்டுள்ளது. புதிய மைக்ரா 5-ஸ்பீடு மேனுவல் டிரான்ஸ்மிஷன் அல்லது ஆப்ஷனல் CVT X-டிரானிக் ஆட்டோமேடிக் டிரான்ஸ்மிஷன் பெட்ரோல் மாடல்களுக்கு வழங்கப்படுகிறது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.