டியூரபிலிட்டி டெஸ்ட்: அதிர்ச்சியளித்த நோக்கியா 3

டியூரபிலிட்டி டெஸ்ட்: அதிர்ச்சியளித்த நோக்கியா 3

சர்வதேச மொபைல் போன் சந்தையில் பல்வேறு சாதனைகளை புரிந்த நோக்கியா நிறுவனம் பல்வேறு காரணங்களால் ஸ்மார்ட்போன் சந்தையில் சோபிக்க முடியாமல் போனது. சர்வதேச சந்தையில் சிறிய இடைவெளிக்கு பின் நோக்கியா மீண்டும் கால்பதித்துள்ளது. 
 
எச்எம்டி குளோபல் நிறுவனத்தின் மூலம் ரீ-எண்ட்ரியாகியுள்ள நோக்கியா பிரான்டு கடந்த சில மாதங்களில் பீச்சர்போன் மற்றும் சில ஸ்மார்ட்போன்களை வெளியிட்டுள்ளது. முதற்கட்டமாக நோக்கியா 3310 பீச்சர்போன், நோக்கியா 3, நோக்கியா 5 மற்றும் நோக்கியா 6 ஸ்மார்ட்போன்கள் வெளியிடப்பட்டன. இதைத் தொடர்ந்து அந்நிறுவனத்தின் ஃபிளாக்ஷிப் ஸ்மார்ட்போனாக நோக்கியா 8 அறிமுகம் செய்யப்பட்டது. 
 
இந்தியாவில் நோக்கியா 8 தவிர மற்ற நோக்கியா போன்கள் விற்பனை செய்யப்பட்டு வரும் நிலையில், நோக்கியாவின் குறைந்த விலை ஸ்மார்ட்போனான நோக்கியா 3 சமீபத்தில் டியூரபிலிட்டி டெஸ்ட் செய்யப்பட்டது. பிரபல யூடியூப் தளம் செய்த டியூரபிலிட்டி டெஸ்டிங்கில் நோக்கியா 3 பழைய நோக்கியா பெயரை தக்க வைத்துக் கொண்டுள்ளது. 
 
\"\"
 
பிளாஸ்டிக் மற்றும் மெட்டல் மூலம் உருவாகியுள்ள நோக்கியா 3 அதிக உறுதித் தன்மை கொண்டுள்ளது தெரியவந்துள்ளது. முன்பக்க டிஸ்ப்ளே கொரில்லா கிளாஸ் மூலம் பாதுகாக்கப்பட்டிருப்பதால் முன்பக்கம் லெவல் 6 வரை அதிக சேதத்தை ஏற்படுத்தவில்லை. இதே பாதுகாப்பு முன்பக்கம் செல்ஃபி கேமரா, நோக்கியா லோகோ மற்றும் முன்பக்க பட்டன்களிலும் வழங்கப்பட்டுள்ளது. 
 
பின்புறம் பிளாஸ்டிக் என்பதால் கேமரா, பிளாஷ் மற்றும் பேனல் உள்ளிட்டவை டியூரபிலிட்டி டெஸ்டில் சோபிக்கவில்லை. எனினும் நோக்கியா 3 தோற்றத்தை அழகாக வெளிப்படுத்தும் மெட்டல் பயன்பாடு போனின் உறுதி தன்மையை காப்பாற்றியிருக்கிறது. பவர், வால்யூம் பட்டன்கள், சிம் கார்டு மற்றும் மெமரி ஸ்லாட் உள்ளிட்டவையும் மெட்டல் மூலம் பாதுகாக்கப்பட்டுள்ளது. 
 
இறுதியாக மேற்கொள்ளப்பட்ட வளைக்கும் சோதனையில் நோக்கியா 3 வெற்றி பெற்றுள்ளது. பட்ஜெட் விலையில் கிடைக்கும் நோக்கியா 3 ஒட்டுமொத்த சோதனையில் பின்புற பேனல் தவிர மற்ற அம்சங்களில் குறிப்பிடத்தக்க திறன் கொண்டுள்ளது தெரியவந்துள்ளது.
 
 
 
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.