டியாகோ விஸ் லிமிட்டெட் எடிஷன் சிறப்பம்சங்கள் வெளியானது

டியாகோ விஸ் லிமிட்டெட் எடிஷன் சிறப்பம்சங்கள் வெளியானது

இந்திய ஆட்டோமொபைல் நிறுவனமான டாடா மோட்டார்ஸ் விஸ் லிமிட்டெட் எடிஷன் மாடலை உருவாக்கி வருகிறது. இந்தியாவில் நல்ல வரவேற்பை பெற்றிருக்கும் டியாகோ ஹேட்ச்பேக் மாடலின் ஸ்பெஷல் எடிஷன் சோதனை செய்யப்படும் போது எடுக்கப்பட்ட புகைப்படங்கள் இணையத்தில் வெளியாகியிருந்தது. 
 
முன்னதாக வெளியான தகவல்களில் ஸ்பெஷல் எடிஷன் இன்டீரியர் அம்சங்கள் தெரியவந்திருந்தது. இம்முறை TeamBHP வலைத்தளம் மூலம் புதிய புகைப்படங்கள் கசிந்துள்ளது. இதில் ஹேட்ச்பேக் மாடலின் சிறப்பம்சங்கள் வெளியாகியுள்ளது  
 
டாடா டியாகோ விஸ் லிமிட்டெட் எடிஷன் 1.2 லிட்டர் ரெவோட்ரான் பெட்ரோல் மற்றும் 1.05 லிட்டர் ரெவோடார்க் டீசல் இன்ஜின் கொண்டுள்ளது. இதன் பெட்ரோல் இன்ஜின் 83bhp, டீசல் இன்ஜின் 68bhp செயல்திறன் கொண்டுள்ளது. இரண்டு இன்ஜின்களிலும் 5-ஸ்பீடு மேனுவல் கியர்பாக்ஸ் வழங்கப்பட்டுள்ளது.
 
\"\"
 
இதன் இன்டீரியர் அம்சங்களை பொருத்த வரை பிளாக்டு-அவுட் ரூஃப், ஸ்பாய்லர், பி-பில்லர் மற்றும் ORVM ஹவுசிங் வழங்கப்பட்டுள்ளது. இதுதவிர லிமிட்டெட் எடிஷன் மாடலில் ஸ்லீக் ரூஃப் மற்றும் விஸ் பேட்ஜிங் கொண்டுள்ளது. உள்புறங்களில் பியானோ பிளாக் மற்றும் ஸ்போர்ட் ரெட் என டூயல்-டோன் ஃபினிஷ் கொண்டுள்ளது. 
 
இத்துடன் புதிய பேட்டன் சீட் துணி, ஹார்மன் இன்ஃபோடெயின்மென்ட் சிஸ்டம், ஜூக்-கார் ஆப், மற்றும் ப்ளூடூத் கனெக்டிவிட்டி உள்ளிட்டவை வழங்கப்பட்டுள்ளது. இதுதவிர டியாகோ விஸ் மாடலில் முன்புறம் மற்றும் பின்புறங்களில் பவர் விண்டோ, ரிமோட் சென்ட்ரல் லாக்கிங், டிஸ்ப்ளேவுடன் பின்புற பார்க்கிங் சென்சார் வழங்கப்பட்டுள்ளது.
 
புதிய டியாகோ ஹேட்ச்பேக் லிமிட்டெட் எடிஷன் மாடல் பண்டிகை காலத்தில் விற்பனைக்கு வரும் என எதிர்பார்க்கப்படுகிறது. இந்தியாவில் டாடா மோட்டார்ஸ் நிறுவனத்தின் டியாகோ ஹேட்ச்பேக் அதிகம் விற்பனையாகும் மாடலாக இருக்கிறது. அந்த வகையில், புதிய லிமிட்டெட் எடிஷன் இந்தியாவில் நல்ல வரவேற்பை பெறும் என எதிர்பார்க்கப்படுகிறது.
Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.