ஆடி கியூ 7 பெட்ரோல் மாடல் இந்தியாவில் வெளியிடப்பட்டது

ஆடி கியூ 7 பெட்ரோல் மாடல் இந்தியாவில் வெளியிடப்பட்டது

ஆடி நிறுவத்தின் கியூ 7 பெட்ரோல் மாடல் எஸ்யுவி இந்தியாவில் அறிமுகம் செய்யப்பட்டுள்ளது. இந்தியாவில் ரூ.67.76 லட்சத்தில் இருந்து துவங்கும் புதிய ஆடி கியூ 7 பெட்ரோல் 2.0 லிட்டர் TFSI இன்ஜின் கொண்டுள்ளது. இதே இன்ஜின் ஆடி நிறுவனத்தின் பல்வேறு மாடல்களில் வழங்கப்பட்டுள்ளது குறிப்பிடத்தக்கது.   

இந்த இன்ஜின் 252PS மற்றும் 370Nm டார்கியூ செயல்திறன் கொண்டுள்ளது. இத்துடன் மணிக்கு 0-100 கிலோமீட்டர் வேகத்தை 6.9 நொடிகளில் செல்லும் என்றும் மணிக்கு 233 கிலோமீட்டர் வரை செல்லும் திறன் கொண்டுள்ளது. ஆடி கியூ 7 பெட்ரோல் மாடல் லிட்டருக்கு 11.68 கிலோமீட்டர் செல்லும் என இந்திய ஆட்டோமோட்டிவ் ஆய்வு அமைப்பு வெளியிட்டுள்ள தகவல்களில் தெரிவிக்கப்பட்டுள்ளது. 

இந்த எஸ்யுவி மாடலில் ஆடி விர்ச்சுவல் காக்பிட் மற்றும் ஸ்மார்ட் ஆடி ஸ்மார்ட்போன் இன்டர்ஃபேஸ் கொண்டுள்ளது. இந்தியாவில் ஏற்கனவே டீசல் இன்ஜின் கொண்ட ஆடி கியூ 7 விற்பனை செய்யப்படுகிறது. புதிய பெட்ரோல் மாடலிலும் எவ்வித மாற்றங்களும் மேற்கொள்ளப்படவில்லை.

ஆடி கியூ 7 மாடலில் எலெக்ட்ரோமெக்கானிக்கல் பவர் ஸ்டீரிங் மற்றும் ஷிஃப்ட் பேடில்கள் வழங்கப்பட்டுள்ளது. இத்துடன் உயர்-ரக இன்ஃபோடெயின்மென்ட் சிஸ்டம், நான்கு கால நிலைகளுக்கு ஏற்ற கிளைமேட் கண்ட்ரோல், க்ரூஸ் கண்ட்ரோல், ஆட்டோ பார்க் அசிஸ்ட் மற்றும் எட்டு ஏர்பேக்கள் வழங்கப்பட்டுள்ளது.

Tamiltech Author

TamilTech

Get the latest news, reviews, developments and trends in all Technology News including Gadgets, Science, Mobile, Internet, New Product Launches, Apps, Games, Creatives, Computing and Other Technology News in Tamil.